ಹೀಗೊಂದು ಆಸೆ ..

ಹೀಗೊಂದು ಆಸೆ ....
ಟಮೋಟೊ ಹಣ್ಣಿನಂತಿರುವ ನಿನಗೆ
ಮೆಣಸಿನ ಕಾಯಿಯಂತಹ ಗಂಡು ಸಿಗಲಿ
ಈರುಳ್ಳಿಯಂತಹ ಅತ್ತೆ ಸಿಗಲಿ
ಬೆಳ್ಳುಳ್ಳಿಯಂತಹ ಮಾವ ಸಿಗಲಿ
ಹುಣಸೆ ಬೀಜದಂತಹ ಮಗುವಾಗಲಿ
ಒಟ್ಟಿನಲ್ಲಿ ನಿನ್ನ ಸಂಸಾರ ಒಳ್ಳೆ 
ಸಾಂಬಾರಿನಂತೆ ಚನ್ನಾಗಿರಲಿ......

                                ಸತೀಶ್ N ಗೌಡ

ನಿರೀಕ್ಷೆ....

ನಿರೀಕ್ಷೆ


ಪ್ರೀತಿಯ ಮಳೆ
ನೆನ್ನೆ ಮಿಂಚಿ
ಮಾಯವಾದ
ಪ್ರೀತಿಯ ಮಳೆಗೆ
ನನ್ನೆದೆಯ 
ಹೃದಯವನ್ನ
ಉತ್ತು ಹದ ಮಾಡಿರುವೆ.
ನಾಳೆ ಬರುವ
ಮುಂಗಾರುಮಳೆಗೆ
ಕನಸಿನ ಬೀಜಗಳನ್ನ
ನನ್ನೆದೆಯಲ್ಲಿ ಬಿತ್ತುವೆ.
ಮುಂಬರುವ
ದಿನಗಳಲ್ಲಿ
ಹುಟ್ಟುವ 
ಕನಸಿನ ಬೀಜಗಳ
ಪೈರಿನಿಂದ
ಪ್ರೀತಿಯ
ರಾಶಿ
ಕಟ್ಟುವ 
ಬಹುದೊಡ್ಡ 
ನಿರೀಕ್ಷೆ ಇದೆ...

                ಸತೀಶ್ N ಗೌಡ

ನನ್ನ ಪ್ರೀತಿ.....

ನನ್ನ ಪ್ರೀತಿ..

ನನ್ನ ಪ್ರೀತಿ ಹೂವಿನಷ್ಟು ಸುಂದರ
ಎಂದರೇ ತಪ್ಪಾದೀತು
ಬೆಳಗ್ಗೆ ಅರಳೊ ಹೂವು
ಸಂಜೆ ಬಾಡಿಹೊಗುತ್ತದೆ.

ನನ್ನ ಪ್ರೀತಿ ಚಂದ್ರನಷ್ಟು ಮಧುರ
ಎಂದರೆ ತಪ್ಪಾದೀತು
ರಾತ್ರಿ ಕಾಣುವ ಚಂದ್ರ
ಹಗಲು ಕಾಣಲಾರ.

ನನ್ನ ಪ್ರೀತಿ ಆಕಾಶದಷ್ಟು ಅಮರ
ಎಂದರೆ ಬಹುಶಃ ತಪ್ಪಾದೀತು
ಕಣ್ಣನೋಟಕ್ಕೆ ಅಷ್ಟೆ ಆಕಾಶ
ಒಳ ಹೊಕ್ಕರೆ ಬರೀ ಗಾಳಿ......


                                                            ಸತೀಶ್ N ಗೌಡ

ಈ ಬಡ ಪ್ರಪಂಚದಲ್ಲಿ......

ಈ ಬಡ ಪ್ರಪಂಚದಲ್ಲಿ......



ನನ್ನ ಹುಡುಗಿಯ
ಅಂದವ ನಾ ಹೊಗಳಲಾರೆ
ಅವಳ ಅಂದಕ್ಕೆ
ಸಾಟಿ ಏನಿಹುದು
ಈ ಬಡ ಪ್ರಪಂಚದಲ್ಲಿ
ನವಿಲಿನ ನಾಟ್ಯವೋ...?
ತಾವರೆಯ  ರೆಕ್ಕೆಯೋ..?

ನನ್ನ ಹುಡುಗಿಯ
ಚಿತ್ರವ ನಾ ಬಿಡಿಸಲಾರೆ
ಅವಳ ಚಿತ್ರವ
ಹೋಲುವುದೇನಿಹುದು
ಈ ಬಡ ಪ್ರಪಂಚದಲ್ಲಿ
ದಿಲ್ಲಿಯ ತಾಜ್ ಮಹಲ್ಲೋ...?
ದುಬೈನ ಬುರ್ಜ್ ಖಲಿಫಾನೋ ...?
                                               ಸತೀಶ್ N ಗೌಡ 

ನಾನಲ್ಲ....

 ನಾನಲ್ಲ....
ಕಲೆಗಾರ ನಾನಲ್ಲ
ಕವಿಗಾರನೂ ನಾನಲ್ಲ
ಭಾವನೆಗಳೊಂದಿಗೆ
ಬದುಕುವುದುನ್ನ ಬಿಟ್ಟರೇ
ಬೇರೆನೂ ನನಗೆ ಗೊತ್ತಿಲ್ಲ

ಕನಸುಗಾರ ನಾನಲ್ಲ
ಕನಸು ಕಾಣುವ ಆಸೆ ನನಗಿಲ್ಲ
ನನಸಾಗದ ಕನಸು
ಗಳನ್ನು ಕಾಣುವ
ಆ ರಾತ್ರಿಗಳು ನನಗೆ ಬೇಕಿಲ್ಲ

ಆಸೆಯೂ ನನಗಿಲ್ಲ
ಆಸ್ತಿಯೂ ನನಗಿಲ್ಲ
ನಿಮ್ಮ ಸ್ನೇಹ ಬಾಗ್ಯ
ಬಿಟ್ಟರೆ ಈ ಜಗದಲ್ಲಿ
ನನಗೆ ಬೇರೆನೂ ಗೊತ್ತಿಲ್ಲ

                                      ಸತೀಶ್ N ಗೌಡ